ابتدائی تعارف:

ایّام عزاء شہادتِ امام حسین (ع) کی مناسبت سے منعقدہ مجالسِ اور ان سے منسوب محرم الحرام کے اجتماعات کے لیے تیار کیا گیا یہ بیک ڈراپ، امام حسین (ع) کی بے مثال قربانی، شجاعت، استقامت اور دینِ خدا کے لیے ان کی عظیم جدوجہد و قیام للّه کی یاد کو نمایاں کرنے کے لیے ڈیزائن کیا گیا ہے. اس نوعیت کے بینرز کا مقصد صرف کسی جگہ کو سجانا نہیں، بلکہ عزاداری کے ماحول کو معنی، نسبت اور روحانی کیفیت فراہم کرنا ہے. سید الشہداء (ع) جیسی عظیم المرتبت شخصیت کا ذکر مومن کے دل میں عقیدت، محبت، معرفت اور عزمِ وفا کو تازہ کرتا ہے، اسی لیے مجالسِ امام حسین (ع) کے ماحول میں ان سے متعلق احادیث رسول (ص) و روایات ائمہ ہدی (ع)، کلمات امام حسین (ع)، القاب، مرثیوں کے اشعار اور مذہبی عبارات ایک خاص کیفیت پیدا کرتے ہیں اور مومنین کو ذکرِ امام حسین (ع)، کربلا اور ان کے پیغام کی طرف متوجہ رکھتے ہیں.

مندرج عبارات:

اس بیک ڈراپ میں جناب میر حسن میر کی مشہور زمانہ منقبت [حسین بانٹ رہے ہیں، نجات لے جاؤ] کا مصرعہ، اردو نستعلیق خطاطی میں مرقوم ہے. پس منظر میں زیات عاشورا کے چار سلام فن پارے کی زینت ہی.
ایسے نوحے اور قصیدے جو برسوں سے مجالسِ عزا میں پڑھے اور سنے جاتے رہے ہوں، مومنین کی اجتماعی یادداشت کا حصہ بن جاتے ہیں. جب یہی مانوس کلمات کسی مجلس کے پسِ منظر، اسٹیج یا محفلِ عزا کی ماحول سازی میں سامنے آتے ہیں تو دیکھنے والا صرف ایک عبارت نہیں دیکھتا، بلکہ وہی آواز، وہی مجلس، وہی کیفیت اور اس نوحے سے وابستہ اپنی یادیں محسوس کرنے لگتا ہے. یوں ایک معروف نوحے کا مطلع بینر کو محض ایک ڈیزائن نہیں رہنے دیتا؛ نظر پڑتے ہی مومن اس کلام کی دنیا میں داخل ہو جاتا ہے اور مجلس کی فضا کے ساتھ اس کا جذباتی تعلق مزید گہرا ہو جاتا ہے. یہی ہماری کوشش ہے کہ بینر پر لکھی ہوئی عبارت صرف خوبصورت نظر نہ آئے، بلکہ جب تک مومنین اس فضا میں رہیں، یہ بینر ان کے لیے ایک مانوس راستہ بنے جو انہیں ذکرِ اہلِ بیت (ع)، کربلا اور عزاداری کی کیفیت سے بطریقِ احسن جوڑے رکھے، اور مصائب، مناقب و مواعظ اس خاص فضا میں مومنین کے اذہان پر نقش ہوتے رہیں.

مخصوص آرٹ:

یہ آرٹ موکب کا اپنا مخصوص اور منفرد ڈیزائن اسلوب ہے، جسے موکب کی اپنی ڈیزائن ٹیم نے تیار کیا ہے. اس سیریز کے ڈیزائنز میں مولانا سبزاری صاحب کی خطاطی اور فنی کاوش بھی شامل ہے، جبکہ بعض ڈیزائنز میں عالمِ اسلام کے دیگر معروف خطاطوں کی عربی خطاطی سے بھی استفادہ کیا گیا ہے. یوں ہر ڈیزائن میں خطاطی، فن اور بصری ترتیب کو اس مخصوص مقصد کے ساتھ یکجا کیا گیا ہے کہ وہ مجلس اور عزاداری کے ماحول کے لیے موزوں بھی ہو اور اپنے اندر ایک منفرد فنی شناخت بھی رکھتا ہو.

ان ڈیزائنز کی تشکیل میں پاکستانی معاشرے کی ضروریات، اسلامی اصولوں، اردو ادب اور ہماری مذہبی و ثقافتی فضا کو خاص طور پر پیشِ نظر رکھا گیا ہے. عربی خطاطی اور اردو ادب کے حسین امتزاج کو سامنے رکھتے ہوئے ایسے ڈیزائنز تیار کیے جا رہے ہیں جو صرف خوبصورت نظر آنے کے لیے نہ ہوں، بلکہ پاکستانی مجالس اور امام بارگاہوں کی حقیقی ضرورت کو سامنے رکھتے ہوئے معنی، معرفت اور ماحول سازی کا کردار بھی ادا کریں. بالخصوص مجالس میں امام حسین (ع) اور اہلِ بیت (ع) سے متعلق احادیث، معارف اور دینی مضامین کو مؤثر بصری انداز میں پیش کرنے کے میدان میں موکب آرٹ کی یہ کاوش ایک نئی اور منفرد پیش رفت ہے. ہم مختلف زبانوں اور مختلف معاشروں کی ضروریات کو سامنے رکھتے ہوئے اردو کے ساتھ انگریزی اور دیگر زبانوں میں بھی ایسے ڈیزائنز تیار کرتے ہیں، تاکہ ہر خطے کے مومنین تک ان کے فہم اور ماحول کے مطابق یہ بصری و فکری مواد پہنچایا جا سکے.

اعلی کوالٹی مخمل:

اس بینر کی ایک نمایاں خصوصیت اس کا مخمل کے کپڑے پر پرنٹ ہونا ہے. عام فلیکس یا دیگر میٹریل کے مقابلے میں مخمل کا کپڑا اپنی بناوٹ، ساخت اور ظاہری کیفیت کے باعث ایک منفرد مذہبی اور عزادارانہ احساس پیدا کرتا ہے. کپڑے کا یہ انتخاب بینر کو محض ایک اشتہاری یا عام ڈسپلے فلیکس کی شکل دینے کے بجائے حسینیہ، امام بارگاہ اور مجلسِ عزا کی فضا کے ساتھ بصری اور حسی طور پر ہم آہنگ کرتا ہے. یوں یہ بینر کسی عام اجتماع کے پسِ منظر کی طرح محسوس ہونے کے بجائے مذہبی ماحول کا حصہ بن جاتا ہے.

طرزِ تربیت:

ہماری نظر میں یہ صرف ہنر نہیں، طرزِ تربیت ہے. عزاداری کے ماحول میں موجود ہر بصری عنصر—علم، پرچم، خطاطی، روشنی، اسٹیج اور بینر—اپنی جگہ ایک پیغام رکھتا ہے. ایک مؤثر بینر مومنین کی نگاہ کو اپنی طرف متوجہ کرکے اسے ایک شخصیت، ایک واقعے، ایک نسبت اور ایک فکر کی طرف لے جا سکتا ہے. اسی لیے ان بینرز کو اس سوچ کے ساتھ ڈیزائن کیا گیا ہے کہ حضرت عباس (ع) کی وفا اور ایثار کا تذکرہ صرف الفاظ میں نہیں بلکہ پورے ماحول کی کیفیت میں محسوس ہو اور اس فضا کو مزید مؤثر بنا دے.

سائز اور حسب ضرورت تیاری:

یہ بینر مختلف سائزز میں دستیاب ہے، تاکہ مختلف نوعیت کی جگہوں اور ضروریات کے مطابق اسے استعمال کیا جا سکے. بڑے سائز کے بینرز پنڈال، امام بارگاہوں، حسینیہ، ہالز اور وسیع اجتماعات کے لیے موزوں ہیں، جہاں ایک نمایاں اور مؤثر بصری ماحول درکار ہو، جبکہ نسبتاً چھوٹے سائز گھر، آفس لابی، کمرے، لِونگ روم اور دیگر محدود جگہوں کے لیے موزوں ہیں.
اگر آپ کو کسی مخصوص جگہ کے لیے اپنی مطلوبہ پیمائش کا بینر درکار ہو تو منتخب کردہ ڈیزائن کو آپ کی ضرورت کے مطابق کسٹم سائز میں بھی تیار کیا جا سکتا ہے. اپنی مطلوبہ پیمائش یا کسٹم سائز کے لیے ہماری ویب سائٹ پر موجود رابطہ نمبر کے ذریعے ہم سے رابطہ کریں اور اپنے منتخب کردہ ڈیزائن کو اپنی جگہ اور ضرورت کے مطابق تیار کروائیں.

حقوقِ اشاعت و استعمال:

یہ تمام ڈیزائنز/ فن پارے؛ موکب کے مخصوص کاپی رائٹ کے حامل ہیں. کسی بھی ڈیزائن کی غیر مجاز نقل، دوبارہ تیاری، ترمیم، اشاعت، فروخت، تجارتی استعمال یا کسی بھی شکل میں نشر و اشاعت موکب اسلامی ثقافتی مرکز کی اجازت کے بغیر ممنوع ہے. ان ڈیزائنز کو موکب کی تخلیقی ملکیت اور فنی کاوش کا احترام کرتے ہوئے صرف مجاز طریقے سے خریدا جا سکتا ہے.