ابتدائی تعارف:

ایّام عزاء شہادتِ امام حسین (ع) کی مناسبت سے منعقدہ مجالسِ اور ان سے منسوب محرم الحرام کے اجتماعات کے لیے تیار کیا گیا یہ بیک ڈراپ، امام حسین (ع) کی بے مثال قربانی، شجاعت، استقامت اور دینِ خدا کے لیے ان کی عظیم جدوجہد و قیام للّه کی یاد کو نمایاں کرنے کے لیے ڈیزائن کیا گیا ہے. اس نوعیت کے بینرز کا مقصد صرف کسی جگہ کو سجانا نہیں، بلکہ عزاداری کے ماحول کو معنی، نسبت اور روحانی کیفیت فراہم کرنا ہے. سید الشہداء (ع) جیسی عظیم المرتبت شخصیت کا ذکر مومن کے دل میں عقیدت، محبت، معرفت اور عزمِ وفا کو تازہ کرتا ہے، اسی لیے مجالسِ امام حسین (ع) کے ماحول میں ان سے متعلق احادیث رسول (ص) و روایات ائمہ ہدی (ع)، کلمات امام حسین (ع)، القاب، مرثیوں کے اشعار اور مذہبی عبارات ایک خاص کیفیت پیدا کرتے ہیں اور مومنین کو ذکرِ امام حسین (ع)، کربلا اور ان کے پیغام کی طرف متوجہ رکھتے ہیں.

مندرج عبارات:

اس بیک ڈراپ میں محبتِ امام حسین (ع) سے متعلق امام صادق (ع) کی مشہور حدیث اور اس کا اردو ترجمہ درج ہے جو یہ ہے [قال الصادق (ع) من اراد الله بہ الخیر قذف فی قلبہ حب الحسین / الله جس شخص سے بھلائی کا ارادہ کرتا ہے اس کے دل میں حسین کی محبت ڈال دیتا ہے]، جس کے ساتھ [السلام علیک یا ابا عبدالله الحسین] کا سلام بھی مرقوم ہے.

امام حسین (ع) سے متعلق احادیث میں موجود معارف، چاہے وہ عزاداری، گریہ، محبتِ اہلِ بیت (ع)، معرفتِ امام یا ان کے قیام و پیغام سے متعلق ہوں، مومنین کے ایمان و معرفت کو تازہ کرنے کا ذریعہ بنتے ہیں. اسی لیے ہم نے کوشش کی ہے کہ ان احادیث کو صرف عربی عبارت کے طور پر پیش کرنے کے بجائے ان کا اردو ترجمہ بھی ساتھ شامل کیا جائے، تاکہ مجلس کی ماحول سازی کے ساتھ ساتھ ان میں موجود معارف بھی مومنین تک قابلِ فہم انداز میں پہنچیں.
جب امام حسین (ع) سے منسوب کوئی حدیث یا کلام مجلس کے پسِ منظر، اسٹیج یا محفلِ عزا کی ماحول سازی میں سامنے آتا ہے تو وہ محض ایک عبارت نہیں رہتا، بلکہ مومن کی نگاہ کو امام (ع) کے کلام اور ان کے پیغام کی طرف متوجہ کرتا ہے. یہی ہماری کوشش ہے کہ بینر پر درج عبارت صرف خوبصورت نظر نہ آئے، بلکہ مجلس کی فضا میں موجود رہتے ہوئے مومنین کو ذکرِ اہلِ بیت (ع)، کربلا اور امام حسین (ع) کے معارف سے بطریقِ احسن جوڑے رکھے، تاکہ مصائب، مناقب، مواعظ اور معارف اس خاص فضا میں مومنین کے اذہان پر نقش ہوتے رہیں.

مخصوص آرٹ:

یہ بینرز ہماری Haram-Inspired Art سیریز کا حصہ ہیں. اس سیریز کے ڈیزائن حرمِ امام حسین (ع) اور حرمِ حضرت عباس (ع) میں نصب بینرز کے مخصوص بصری اسلوب سے ماخوذ ہیں، جن میں وہی حرم کی مخصوص خطاطی، بارڈرز، رنگوں کی مناسبت اور مجموعی ڈیزائن لینگویج اختیار کی گئی ہے. ان بینرز میں کربلا معلّیٰ کے حرموں میں موجود ڈیزائن عناصر اور اسی بصری اسلوب و کیفیت کو منتقل کیا گیا ہے، تاکہ کربلا سے میلوں دور کسی مجلس، گھر یا امام بارگاہ میں بھی وہی مانوس مغموم فضا اور ماحول کا احساس پیدا کیا جا سکے جو کربلا میں محسوس ہوتا ہے.
بلکہ اس سے بڑھ کر جو خصوصیت ان بینرز کو ممتاز کرتی ہے، وہ یہ ہے کہ وہاں موجود عربی عبارات کے مفہوم کو یہاں اردو میں پیش کیا گیا ہے، تاکہ حرم کی وہی مانوس کیفیت اور وہی کربلائی ماحول سازی اردو سمجھنے والے مومنین تک بھی پہنچ سکے. اس کاوش کا پس منظر علماء و عرفاء کی وہ تاکیدات ہیں جن میں وہ فرماتے ہیں کہ مجلسِ عزاء امام حسین (ع)، حرمِ امام حسین (ع) کا درجہ رکھتی ہے. اسی تصور کے تحت ہماری کوشش ہے کہ کربلا سے دور مجالس اور امام بارگاہوں کی ماحول سازی بھی اسی اسلوبِ حرم پر کی جائے؛ البتہ اس فرق کے ساتھ کہ عربی کے ساتھ اردو اور دیگر زبانوں میں بھی ان عبارات کے مفاہیم مومنین تک پہنچیں. اسی اسلوبِ حرم سے ماخوذ آرٹ کے ذریعے ہم پاکستان، امریکا، کینیڈا اور جرمنی میں اردو، انگریزی اور جرمن زبانوں میں امام بارگاہوں اور مجالس کی ماحول سازی کر رہے ہیں، تاکہ کربلا کی اس مانوس بصری کیفیت کو مختلف زبانوں اور مختلف خطوں کے مومنین تک پہنچایا جا سکے.

پریمیم مخمل:

اس بینر کی ایک نمایاں خصوصیت اس کا مخمل کے کپڑے پر پرنٹ ہونا ہے. عام فلیکس یا دیگر میٹریل کے مقابلے میں مخمل کا کپڑا اپنی بناوٹ، ساخت اور ظاہری کیفیت کے باعث ایک منفرد مذہبی اور عزادارانہ احساس پیدا کرتا ہے. کپڑے کا یہ انتخاب بینر کو محض ایک اشتہاری یا عام ڈسپلے فلیکس کی شکل دینے کے بجائے حسینیہ، امام بارگاہ اور مجلسِ عزا کی فضا کے ساتھ بصری اور حسی طور پر ہم آہنگ کرتا ہے. یوں یہ بینر کسی عام اجتماع کے پسِ منظر کی طرح محسوس ہونے کے بجائے مذہبی ماحول کا حصہ بن جاتا ہے.

طرزِ تربیت:

ہماری نظر میں یہ صرف ہنر نہیں، طرزِ تربیت ہے. عزاداری کے ماحول میں موجود ہر بصری عنصر—علم، پرچم، خطاطی، روشنی، اسٹیج اور بینر—اپنی جگہ ایک پیغام رکھتا ہے. ایک مؤثر بینر مومنین کی نگاہ کو اپنی طرف متوجہ کرکے اسے ایک شخصیت، ایک واقعے، ایک نسبت اور ایک فکر کی طرف لے جا سکتا ہے. اسی لیے ان بینرز کو اس سوچ کے ساتھ ڈیزائن کیا گیا ہے کہ حضرت عباس (ع) کی وفا اور ایثار کا تذکرہ صرف الفاظ میں نہیں بلکہ پورے ماحول کی کیفیت میں محسوس ہو اور اس فضا کو مزید مؤثر بنا دے.

سائز اور حسب ضرورت تیاری:

یہ بینر مختلف سائزز میں دستیاب ہے، تاکہ مختلف نوعیت کی جگہوں اور ضروریات کے مطابق اسے استعمال کیا جا سکے. بڑے سائز کے بینرز پنڈال، امام بارگاہوں، حسینیہ، ہالز اور وسیع اجتماعات کے لیے موزوں ہیں، جہاں ایک نمایاں اور مؤثر بصری ماحول درکار ہو، جبکہ نسبتاً چھوٹے سائز گھر، آفس لابی، کمرے، لِونگ روم اور دیگر محدود جگہوں کے لیے موزوں ہیں.
اگر آپ کو کسی مخصوص جگہ کے لیے اپنی مطلوبہ پیمائش کا بینر درکار ہو تو منتخب کردہ ڈیزائن کو آپ کی ضرورت کے مطابق کسٹم سائز میں بھی تیار کیا جا سکتا ہے. اپنی مطلوبہ پیمائش یا کسٹم سائز کے لیے ہماری ویب سائٹ پر موجود رابطہ نمبر کے ذریعے ہم سے رابطہ کریں اور اپنے منتخب کردہ ڈیزائن کو اپنی جگہ اور ضرورت کے مطابق تیار کروائیں.